Cennifer Lopez öz Instagram hesabında yeni fotolar paylaşıb.
OLAY yazır ki, 56 yaşlı müğənni və aktrisa krem-brüle rəngində, olduqca qısa və bədənə oturan libasda kamera qarşısına keçib və onun altından büstqalter geyinməyib. O, mikrofon dirəyinin yanında və divanda oturaraq pozalar verib.
Şərhlərdə istifadəçilər ulduzun əla göründüyünü və istənilən supermodelə rəqib ola biləcəyini qeyd ediblər. Bununla belə, bəziləri Cenniferin fotoşopdan həddindən artıq istifadə etdiyini düşünüb: bəzi şəkillərdə onun ayağında altı barmaq göründüyünü bildiriblər.
