Müğənni Lətifə Xalq artisti Aygün Kazımovanın "Best of Aygun 40" albomu üçün oxuduğu "Я девушка восточная" mahnısına klip çəkdirib.

OLAY yazır ki, sənətçi mahnıdan bir hissəni yayımlaylıb. O bildirib ki, ekran işinin tam versiyası yaxın günlərdə tamaşaçıların ixtiyarına veriləcək. Lətifə paylaşımına bunları yazıb:

“Əfsanələr getmir - onlar dövrə çevrilir. Səhnədə 40 ilin sahibi Aygün Kazımova üçün mənim ehtiramım “Mən şərq qızıyam” mahnısında. 40 illik səhnə yolu sadəcə zaman deyil. Bu, səsdən, gücdən, qadın zərifliyindən və sönməyən alovdan toxunmuş bir tarixdir. Bu, nəsillərin qəlbində yaşayan bir mirasdır. Yeni layihəm "Я девушка восточная" (“Mən şərq qızıyam”) sadəcə bir mahnı deyil. Bu, ehtiramdır. Bu, minnətdarlıqdır. Bu, sizin yaratdığınız sehrin davamıdır. Bu layihədə Şərqin nəfəsi, qadının qüruru və sizin kimi sənətkarların yandırdığı işıq yaşayır. Dərin hörmət və sonsuz heyranlıqla. Zamanı aşan sənətə sevgi ilə”.