Builki Avroviziya təmsilçimiz İlkin Dövlətov Xalq artisti Röya Ayxanın duet təklifinə cavab verib.

OLAY yazır ki, ifaçı təklifin çox sevindirici olduğunu deyib. O, bu haqda “Xəbər ətər” verilişinin efirinə etdiyi canlı bağlantı zamanı danışıb 

“Röya xanım statusunda paylaşmışdı. Dostlar mənə də göndərdilər. Mən də, təbii ki, sevindim. Çünki Röya xanım da səhnəmizin gözəl ifaçılarındandır, Xalq artistimizdir. Bu təklif, doğurdan da, sevindirdi məni. Qismət olarsa, təbii ki, onu da həyata keçirərik böyük məmnuniyyətlə”, - deyə, İlkin söyləyib.

Qeyd edək ki, Xalq artisti Röya Ayxan sözügedən təklifi instaqramın hekayə bölməsində edib. O, Fahree və İlkinin duetini paylaşaraq “Muğam oxuyan cavan oğlan, səninlə duet oxuyacağam. Xəbərin olsun”, - deyə bildirib.