Və Budur! Yaz/Yay 2024 rəsmən gəlib çıxıb. Əslində, hər il olan bir şeydir, ancaq nədənsə hər kəsi hər zaman sanki çaşdırır. Ən son kişi geyim trendləri sizi həyəcanlandırırsa, hər şeyi bir az daha asanlaşdırırıq.
Paul Meskal kimi həqiqətən kiçik şortiklər geyinməkdən, Kit Konner kimi yüksək bel kəsimlərə və libaslarınızla gələcəyin Studio 54-ünə getməyə qədər, isti havalar nəhayət ki geri gələndə geyinəcəyimiz böyük Yaz/Yay trendlərini tək-tək qarşınıza gətiririk.
Ay səni vəhşiii!
Qadın geyimlərində ilan, bəbir və zebra təsvirləri çoxdandır ki var. Ancaq 2024-cü ilin Yaz/Yay üçün kişi geyimi dizaynerləri bu ideynın üstünə çox gediblər. Cil Sander-də ilan dərisindən ilhamlanmış paltolar başqa cür səssiz qəliblərə tətbiq olunurdu, Saint Laurent-də isə kreativ direktor Entoni Vakkarello böyük ölçülü bəbir çaplı süni xəz paltolarla adi seksuallığı daha yüksəyə qaldırdı.
Eynilə, Kim Cons “Dior” podiumunda modelləri bəbir naxışlı jiletlərdə gəzdirərək, Vivienne Westwood-un dizayner komandası at tükü inək çaplı çəkmələri seçdi. Çünki “Westerncore” və hər şey geri dönüb.
Qısa şortlar!
Şortlar durmadan qısalır və qısalır. Və azalma dayanmadan davam edir. 2024-cü ilin Yaz/Yay mövsümü üçün şortlar kişilərin ombalarını daha da yuxarı çəkir və dizaynerlər yeni mikro şortlar təklif edirlər.
Hermes-də şortlar ipək-yun qarışığından hazırlanır və neytral boz və kremlərdə olur. “Prada”da modellər o qədər yüksək belli şort geyiniblər ki, budun yuxarı hissəsini çılpaq qoyublar. Louis Vuitton-da isə Farel Uilyams böyük “LV” sancaqları olan kəmərlərlə şortları bağlayan kollec üslublu parçaları təqdim edib.
Parıldayan Bomba!
London, Milan və Parisdəki dizaynerlər podiumda Studio 54-ü yenidən açır. Dries Van Noten-un köynəkləri tamamilə Dries Van Noten-a xas və axıcı idi, lakin qara biser göz qamaşdırırdı. Fransız hazır geyim brendi Ami qara, boz və gümüş rəngli payetli cins şalvarları uzunqol sakit üst geyimi ilə birləşdirdi. Yeni təyin olunmuş kreativ direktor Piter Houkingsin rəhbərliyi altında “Tom Ford” retro-futuristik biserli pencəkləri diskoteka kodlu kolleksiyanın əsas cazibəsinə çevirdi.
“Loewe”də böyük gecə libasları geyinmək də bir hadisə idi. 2024-cü ilin Yaz/Yay kolleksiyasının əsas görünüşü sırf parıltılı dəlilik idi. Parıldayan şalvarın içinə soxulmuş parıldayan polo köynək – hər ikisini artıq “Heartstopper” aktyoru Kit Konnor “Vogue World”də də geyinmişdi.
Maykalar səhnədə!
Önümüzdəki aylarda hər yerdə maykalar olacaq! Bu, yalnız standart alt geyimi deyil. Bu geyimlər bütün formalarda və ölçülərdə gəlib və əvvəllər maykaların tək başına geyilə biləcəyi yerlərdə bu parçalar yeni üsullarla təqdim edildi. Hermes-də toxunmuş qısaqol köynəklərin altında görünürdü, Burberry-də isə kreativ direktor Daniel Li minimal yan parçalar olan qolsuz köynəklərə üstünlük verdi. “Dolce & Gabbana” isə ən seksual tərzdə ənənəvi gödəkçələr götürərək onları dar şortlarla birləşdirib.
“Valentino” bu zirvələri adaçayı rəngli ipəkdən kəsərək və aşağı V-yaxa ilə daha rəsmi bir üslub qəbul etdi. Ferragamo-nun yaradıcı direktoru Maksimilian Davis maykaları eyni qabırğalı materialdan hazırlanmış uzunqol üst geyimlərinin üzərinə “həbs edib”. Beləliklə, bir sözlə, hərə bir mayka alsın!
Tüvitlər!
Əlbəttə ki, tüvit Şotlandiya və İrlandiyada fermerlər üçün praktiki parça kimi təqdim edilmişdi. Ancaq bu günlərdə tüvit podiumda (həmçinin həqiqətən varlı nənələrin qarderoblarında) yerini alıb.
Həm də bu, uzun müddətdir toxunmuş parçanın çempionu olan Chanel-də deyil.Amiri, Dior və Fendi-də tüvit, iki parçalı kostyumlar, böyük ölçülü paltolar və qalın kəsim köynəklər də şounun bir hissəsi idi. Sərin yaşlı qadın paltarları, lakin gənc sərin kişilər üçün. Əlbəttə, niyə də olmasın?!
Kombinezonlar!
Kombinezon cəsarətli bir parçadır. Amma bu həm də geyinməyi çox, çox asanlaşdırır. Burberry-nin tək parça kombinezonları sıx kəmərlə tünd rəngdədir, Loewe-nin hamısı qırmızı dəridir, Valentino-nun isə daha tibbi üslubda və qalın idman ayaqqabısı ilə geyinilib.
Emporio Armani-nin kombinezonları Milli Park üçün nəzərdə tutulmuş kimi görünsə də, Givenchy-nin geyimləri minimal və axıcı idi.
Toxuma istəyirsiniz?
Britaniyalı dizayner Simon Roça artıq bir müddətdir ki, toxunuşu öz brendinin ayrılmaz hissəsinə çevirib və indi onu hər yerdə görə bilərsiniz. “Valentino”da paltolar incə toxunuşlu və gözləri ilə tikilirdi, Botter-də isə tam toxunmuş üst paltarlar çimərlik gününə hazır idi və kişilər üçün bikini köynəklərinin üstünə geyinilib.
“Fendi” də “toxuculuq qatarı”na tullandı və modellərə xəndəklərin altından trikotaj topiklər geyindirdi, “Marine Serre” və “Dsquared2”də kolleksiyaya toxunma üstləri təqdim etdi. “Paxlava” çıxarmaq heç vaxt daha zəruri olmamışdı.
Yaşasın ikidüyməli!
Qarderobunuzdakı o “ikidüyməli pencəklər” hələ də dəbdədir. Nəzər yetirəndən sonra məlum olur ki, müvəqqəti daxili dizayn komandasının rəhbərliyi ilə “Gucci” açıq və boş geyiniləcək böyük ölçülü cüt düyməli gödəkçələr üçün lazımi araşdırma aparıb. Ralph Lauren-in qoşa ətəkli gödəkçələri karamel rəngində idi və belindən möhkəm düymələnmişdi; Giorgio Armani'nin gödəkçələri ənənəvi qoşa ətəkli gödəkçələrdən daha həcmli idi və qısa şalvarla geyinilirdi.
Bermudaya investisiya!
Təbii ki, mini şortlar hələ də dəbdədir, lakin bəzi dizaynerlər yay şortlarının daha uzun və boş variantlarına üstünlük verirlər. LV-də Pharrell dizdən aşağı şortlarla böyük ölçülü, zərif pencəkləri birləşdirdi, Fendi-də isə şortlar Castin Biberin geydiyi kimi idi: bol, bol və qəhvə içməyə gedəndə geyinmək üçün idealdır (modellər hətta qəhvə fincanları da daşıyırdı - mətləbi həqiqətən vurğulamaq üçün).
Gucci-də təmtəraqlı pambıqdan kəsilmiş şortlar dizin altına qədər çatırdı, Boss-da isə böyük ölçülü qolsuz üst geyimlərdən ibarət dekonstruksiya edilmiş kostyumlar və diz qapaqlarını açıq qoyan nazik zolaqlı ipəkdən kəsilmiş şortlar istifadə olunurdu.
