Aktyor Cövdət Şükürov sosial şəbəkədə etdiyi paylaşımla izləyicilərinin marağına səbəb olub.

Milli.Az xəbər verir ki, sənətçi ötən ilin sonunda dünyaya gələn qızı Zərifə ilə çəkdirdiyi yeni fotoları izləyiciləri ilə bölüşüb. Paylaşımında qızına olan sevgisini ifadə edən aktyor şəkillərə ürək emojisi əlavə edib.

Ata və qızın səmimi görüntüləri qısa zamanda sosial şəbəkə istifadəçilərinin diqqətini çəkib. İzləyicilər paylaşımın altında xoş arzularını və təbriklərini yazıblar.

Qeyd edək ki, Cövdət Şükürovun əvvəlki ailə həyatından iki övladı var. Aktyor bir müddət əvvəl Gülçin Qasımova ilə ailə həyatı qurub. Cütlüyün qızı Zərifə ötən ilin dekabr ayında dünyaya gəlib.

Aktyorun ailə həyatı ilə bağlı paylaşımı sosial şəbəkələrdə maraqla qarşılanıb və çoxsaylı bəyənmə toplayıb.

Musa
Milli.Az