"Kızılcık şerbeti" serialında "İşıl" obrazını canlandıran məşhur aktrisa Ece İrtem vəfat edib.

Milli.Az oxu.az-a istinadən xəbər verir ki, bu barədə aktrisanın vəkili Uğur Gökkoyun məlumat yayıb.

"Ece İrtem bu gün saat 12:00 radələrində dünyasını dəyişib. Hadisə o, öz evində, anası ilə birlikdə olarkən baş verib. İlkin ehtimallara görə, ölümə səbəb miokard infarkt göstərilir. İstintaq prosesi davam edir. Dəqiq səbəb məhkəmə-tibbi ekspertizasının rəyindən sonra bəlli olacaq. Ailəsinə və bütün sevənlərinə dərin hüznlə başsağlığı verirəm", - deyə o bildirib.

Bildirilib ki, aktrisa ötən gün, iyunun 14-də 35 yaşını qeyd edib.

Milli.Az