Xalq artisti Miri Yusif mahnılarının digər ifaçılar tərəfindən səsləndirilməsinə münasibət bildirib.

Milli.Az xəbər verir ki, sənətçi bu barədə "Xəzər axşamı" verilişində danışıb.

"Mahnılarım qəlbimdən çıxıb insanlara toxunursa, demək ki, onlar artıq mənim deyil. Bu artıq insanların mülküdür, onlara aiddir. Ona görə də mahnılarımı oxuya bilərsiniz. Bunun üçün məndən icazə almağa ehtiyac yoxdur. Kim istəsə, götürüb ifa etsin. Kiminsə ifasını bəyənməsəm belə, müdaxilə etmərəm. Necə oxuyurlarsa, problem deyil. Mənə xoşdur" deyə, Miri Yusif bildirib./Axşam.az

Müəllif: Ülkər Vəliyeva (Milli.Az redaktor)