Aparıcı və model, 2017-ci ildə Azərbaycan gözəli seçilən Razi Əliyeva ilə onun sabiq sevgilisi Ziya Hüseynzadə arasında çəkişmə prosesi davam edir, istintaq yenilənib.

Xatırladaq ki, R.Əliyeva sosial şəbəkələrdə etdiyi paylaşımlarda və açıqlamalarında iş adamı Ziya Hüseynzadəni şiddətə meylli olmaqda, ona qarşı zor tətbiq etməkdə, evli olduğu halda Razi Əliyevaya 3 dəfə evlilik təklifi etməkdə suçlayıb.

Z.Hüseynzadə isə Razi Əliyevanın, daha doğrusu, Raziyət Əliyevanın onun haqqında şikayətini şər-böhtan adlandırır, iddiaları qəbul etmir.

Z.Hüseynzadə bildirib:

- Razinin hər hansı sübutla təsdiq edilməyən şər-böhtanı  ilə 7 ağır maddə üzrə ittihamla açılmış cinayət işi Razinin telefonuna baxış keçirilməməsi və üzləşməyə gəlməməsi səbəbindən uzanıb.

Razi Zagulba Sarayda toy çala -çala onun Turkiyada olması bəhanəsi ilə üzləşmədən onu goruyurlar ki onun yalanları ifşa olunmasın. Bütün istintaq qərəzlə aparılmış və ittihamları sübut edən heç bir dəlil mövcud deyil. Müstəntiq tərəfindən istintaqın tez-tələsik yekunlaşdırılmasına cəhd edilsə də, mənim təşəbbüsüm və tələbimlə istintaq davam etdirilib. Hazırda ifadə verirəm və prokurorluğa təqdim etdiyim və edəcəyim bütün faktları açıqlayacağam, çünki bütün faktlarımı ört-basdır etmək istəyirlər.

Razi etiraf edib ki , döyüldüyünə aid 2023-cü ilin may ayında yaydığı fotoşəkillər əslində həmin tarixə deyil və keçmiş illərə aiddir. Şər-böhtanını bərkitmək üçün, o, Türkiyədə ola-ola Bakıda tibb baxışdan keçmədən köynə il tarixlə tibbi rəyi  əldə edib və həmin rəy əsasında, özünə baxış keçirilmədən tibb ekspertizasə barədə saxta rəy əldə edib. Müstəntiq qərəzli şəkildə belə ciddi pozuntuya etiraz bildirməyib, bununla bağlı mənim etirazımı və vəsatətimi rədd edib, halbuki fiziki baxış keçmədən, fotoşop şəkil əsasında necə rəy almaq olar?!

Üstəlik, 2022-ci ilin sentyabr ona tərəfimdən işgəncə verildiyi barədə şikayət edən Razi, əslində növbəti gün üzündə heç bir xəsarət olmadan bir neçə şəhər restoranlarında olub, gözəllik salonunun isçiləri ilə il dönümünü təmtəraqla klubda keçirmiş, sonda isə məni ittiham etdiyinə baxmayaraq, onu klubdan götürüb evinə özü ilə birlikdə getməyi xahiş edib.  Həmin günlərdə Razinin üzündə  heç bir xəsarət olmadığını əks edən görüntülərimiz vardır. Biz bu saxta tibbi rəy və və fiziki baxışdan keçməməsi ilə bağlı şikayəti qaldıranda, istintaq və istintaqa prosessual nəzarəti həyata keçirən Bakı Şəhər Prokurorluğu heç bir əsas olmadan və izahını vermədən (qanunla verilməli olsa da) şikayətimizi qərəzli şəkildə rədd etmişdi.

Bu isə məndə əsaslı şübhələr doğurur ki, ya  Razini himayə edən kimsə var, ya da kimsə Razini bəhanə edib məndən şəxsi qisas almaq istəyir. İstintaq orqanı cavab məktubunda mənim təqsirimi qismən etiraf etdiyimi iddia edir. Lakin bu absurddur, çunki mən bu ilin noyabrın 20-dək heç bur ifadə verməmişəm və heç bir sənəddə özümü təqsirli bilməmişəm. Belə rədd cavablardan birini açıqlayıram. Bununla bağlı ailəmlə həyat yoldaşım Baş Prokurorluqda qəbulda olublar. Orada pozuntuların araşdırılması və aradan qaldırılmasına söz verilib.

Milli.Az