Amerikalı aktyor Ben Afflek "Kim milyonçu olmaq istəyir?" ("Who Wants to Be a Millionaire") televiziya şousunda 1 milyon dollarlıq əsas mükafatın sahibi olub.

Milli.Az xəbər verir ki, Afflek yarışda "Jeopardy" proqramının tanınmış iştirakçılarından Cemi Dinq ilə birlikdə çıxış edib. Cütlük yarışın 15 sualının hamısını düzgün cavablandıraraq baş mükafatı qazanıb.

Aktyor və komanda yoldaşı qazandıqları 1 milyon dolları Ben Afflekin 2010-cu ildə Konqo Demokratik Respublikasında yerli icmalara dəstək məqsədilə yaratdığı "Eastern Congo Initiative" xeyriyyə fonduna bağışlayacaqlarını açıqlayıblar.

Maraqlıdır ki, bu qələbə Ben Afflekin yaxın dostu, aktyor Mett Deymonun eyni televiziya proqramında 1 milyon dollar qazanmasından bir il sonraya təsadüf edib.

Qeyd edək ki, veriliş Ben Afflekin anasının vəfatından cəmi bir həftə sonra efirə çıxıb.

Müəllif: Nərmin Mahmudova (Milli.Az müxbir)