Məşhur dizayner Tom Fordun Londonun Çelsi bölgəsində yerləşən evi dizaynerin xarakterik estetik anlayışını memarlığa daşıyan ən güclü nümunələrdən biridir.

OLAY yazır ki, dörd mərtəbəli “Viktoriya” dövrünə aid bu bina yalnız dəbdəbəli detalları ilə deyil, həmçinin keyfiyyətli materiallardan istifadəsi, qüsursuz nisbətləri və zamansız dizayn üslubu ilə seçilir.

Ford 1997-ci ildə satın aldığı evi genişmiqyaslı təmirdən keçirərək alabaster mərmərdən hazırlanmış pilləkənlər, güzgülü şüşə divarlar və mat paslanmayan poladla örtülmüş əsas yataq otağı kimi özünəməxsus detalları yaşayış məkanına əlavə edib.

Tom Fordun moda dünyasında yaratdığı zamansız estetik anlayış bu evdə də memarlıq və interyer dizaynında özünü qabarıq şəkildə göstərir.