Milli.Az lent.az-a istinadən pop və estrada janrlarında çıxış edən müğənni Türkan Vəlizadə haqqında məlumat verir.

• Türkanın anasının səhhətində problem yarandı
• Sevil- Sevinc bacıları kimdir? - Əməliyyatla da əkiz olan bacılar
• İradə İbrahimova kimdir? - Qohumlarının "Zeynəb Xanlarovası" 

- Türkan Vəlizadə nə zaman və harada anadan olub?

Türkan Vəlizadə 1989-cü ildə Bakıda anadan olub.

- Türkan Vəlizadə nə zaman sənətə gəlib?

Türkan Vəlizadə 2016-cı ildən başlayaraq meyxanaçı Pərviz Bülbülə ilə oxuduğu duetlərdən sonra məşhurlaşmağa başlayıb. Onlar "ARB" kanalında "Ürəyimdi Mənim"mahnısı ilə partlayış ediblər. Amma bu mahnı İranlı bir müğənnidən götürülmüşdür. Türkan Vəlizadə ilk dəfə geniş auditoriyaya müxtəlif musiqi yarışmalarında iştirak edərək tanınıb. Onun ifa etdiyi mahnılar, xüsusilə pop və xalq musiqisi janrlarında, böyük rəğbət qazanıb. Müxtəlif musiqi festivallarında və konsertlərdə çıxış edib, bir çox mükafatlara layiq görülüb.

- Türkan Vəlizadənin ən məşhur mahnıları hansılardır? 

Türkan Vəlizadənin məşhur mahnıları arasında "Səni Sevirəm", "Qayıt Gəl", "Ürəyim Yanır" və digər hitlər yer alır. Onun mahnıları dinləyicilər tərəfindən böyük sevgi ilə qarşılanır və musiqi siyahılarında ön sıralarda yer alır.

- Türkan Vəlizadə şou-biznesdə kimlərlə qalmaqal yaşayıb?

Onun bəzi müğənnilərlə və ictimai xadimlərlə yaşadığı mübahisələr mediada geniş müzakirə olunmuşdur.

Qalmaqal yaşadığı məşhurlar:

Türkan Vəlizadə və Nadir Qafarzadə arasında baş verən mübahisə mediada geniş yayılmışdır. Bu qalmaqal, əsasən, səhnə mədəniyyəti və musiqi janrları ilə bağlı fikir ayrılıqları səbəbindən baş verib. Hər iki müğənni bir-birini tənqid etmiş və bu, fanatlar arasında da müəyyən gərginlik yaratmışdır.

Türkan Vəlizadə və Şəbnəm Tovuzlu arasında da mübahisə baş verib. Bu mübahisənin səbəbləri tam olaraq bilinməsə də, hər iki müğənninin sosial mediada bir-birinə qarşı sərt ifadələr işlətməsi qalmaqalın dərinləşməsinə səbəb olmuşdur.

Röya Ayxan və Türkan Vəlizadə arasında da müəyyən çəkişmələr olub. Hər iki müğənni Azərbaycanın ən məşhur qadın sənətçilərindən biri olduğu üçün, onların arasında rəqabət təbii olaraq qalmaqala səbəb olub. Bu rəqabət, xüsusilə, konsert proqramları və mahnıların populyarlığı ilə bağlı ortaya çıxıb.

Son yaxın zamanda yaşadığı ən böyük qalmaqal isə Vəfa Şərifovayla olub. Buna səbəb isə Türkan Vəlizadənin "TikTok"da canlı yayımda Vəfa Şərifovaya qeyri-etik ifadələr işlətməsi idi.

- Türkan Vəlizadənin ögey bacısı hansı məşhurdur?

Türkan Vəlizadənin ögey bacısı sənətçi Ləman Əliyeva adlı müğənnidir. Türkan Vəlizadə Ləmanla ata bir, ana ayrı ögey bacıdır.
Türkan bacısı ilə münasibətlərinin çox yaxşı olduğunu və gələcəkdə duet də oxuya biləcəklərini bildirib.

- Türkan Vəlizadəyə hansı böhtan atılıb?

Türkan Vəlizadənin duet ortağı Perviz Bülbüllə münasibət yaşadığı iddia olunub. Müğənni bu şayiələrı aydınlıq gətirib:

"Bir var ki, ailəli insanın ailəsini dağıdasan. Biri də var ki, subay insanlar duet ortağıdır, burada pis nəsə yoxdur. Amma ailəli insanı sevməyin onsuz da axırı yoxdur. Sonu daha pis bir şeydir. Mən 4 ildir bu söhbətləri eşidirəm ki, "Türkan Pərvizin ailəsini dağıdıb". Əvvəl bu söhbətlərə çox fikir verirdim və elə depressiyaya düşürdüm ki, çıxa bilmirdim. Sonra gördüm ki, o qədər bikar insanlar var ki... Boş verdim. Ən azından həmin insanın ailəsi, ətrafımız bilir ki, belə şey yoxdur. Çünki biz 4 ildir duet ortağıyıq, hər ikimiz öz evimizə çörək aparırıq. Mən onun ailəsinə çox böyük hörmətlə yanaşıram. Allah iki balasını saxlasın. Mən subay xanımam, o isə evlidir, bu danışılanların hamısı şaiyədir. Belə şeylərə reaksiya vermək lazım deyil. Bunu özüm, ailəm, Allahım bilir. Ailəli insanın ailəsinə müdaxilə etməyin özü günahdır".

- Türkan Vəlizadə niyə ailə qurmaq istəmir?

Buna səbəb gözünün qabağında anasının yaşadığı çətin günlərdir.

"O vaxt çətinlikdə olanda anam qızıllarını aparıb satdı. Bu yaxınlarda qızıl mağazasında mənim üçün satdığı üzüyü gördüm. Dedim ki, o üzüyü mənə çatdırın. Bacım evə çatan kimi anama deyib ki, Türkan üzüyü tapıb. Anam dedi ki, xahiş edirəm ki, onu mənə alma. Pis oldum. Dedi ki, istəmirəm ki, o əziyyətli günlər təkrarlansın mənim üçün. O üzüyü görsəm, çətin günlərim yadıma düşəcək. Dedi ki, sən mənim üçün oğulsan. Atam da hər dəfə deyir ki, sən mənə görə oğulsan".

- Türkan Vəlizadə toylara neçəyə gedir? 

Bu gün Azərbaycan toylarına ən çox dəvət alan müğənnilərdən biri Türkan Vəlizadədir. Türkanın qonorarı 2000- 4000 AZN aralığındadır.

Milli.Az

Xəbərlərimizi WhatsApp kanalımızdan da oxuyun