Məşhur rusiyalı müğənni Alsunun satışa çıxarıldıqdan üç il sonra Krımdakı villası üçün 800 milyon rubla (15 milyon manatdan çox) alıcı tapılıb.

Milli.Az oxu.az-a istinadən bildirir ki, müğənninin atası malikanəni potensial sahibinə göstərmək üçün yaxın vaxtlarda yarımadaya gələcək.

Sevastopol yaxınlığındakı elit Vyazovaya Roşa kəndindəki bina 15 il əvvəl müğənninin atası tərəfindən tikilib. Eyni zamanda, o, yerli feldşer-mama məntəqəsində təmir işləri aparıb və "Alaya roza" mağazasını açıb. Yerli sakinlərin sözlərinə görə, Alsu sonuncu dəfə 2014-cü ildən əvvəl atası ilə buraya gəlib. Daha sonra villa mehmanxana kompleksinə çevrilib.

Beləliklə, 800 milyon rubl əvəzində alıcı 14 yataq otağı, tennis kortu, açıq və qapalı hovuzlar, gözəllik salonu, kinozal, musiqi studiyası, at tövləsi, manej, şəxsi çimərlik, yanalma körpüsü və helikopter meydançası əldə etmiş olacaq.

Yerli rieltorların dediklərinə görə, Alsu və boşanmaqda olduğu əri Yan Abramov 2021-ci ildən bəri mülklərini satmağa çalışırlar. Üstəlik, binanın dəyərindən əlavə, yeni sahiblər yenidənqurma işlərinə əlavə 100 milyon rubla (təxminən 2 milyon manat) qədər sərmayə qoymalı olacaqlar, çünki ev artıq yararsız vəziyyətə düşüb. Hazırda mehmanxana kompleksində heç kim yaşamır.

Qeyd edək ki, ötən gün ulduz cütlük məhkəməyə boşanma ərizəsi verib. Alsu və Yanın Leninqrad şosesində apartamentləri, Rublyovkada dördmərtəbəli malikanəsi, Londonda mənzili və Krımda yuxarıda adıçəkilən villası var. Üç uşağın qəyyumluğu və əmlakın bölünməsi məsələlərinə isə boşanmadan sonra qərar veriləcək.

Milli.Az

Xəbərlərimizi WhatsApp kanalımızdan da oxuyun