Müğənni İradə İbrahimova sosial şəbəkə paylaşımı ilə diqqət çəkib.

Milli.Az xəbər verir ki, sənətçi paylaşdığı fotolara həyatın insan qarşısına çıxardığı sınaqlardan bəhs edən fikirlər yazıb.

İradə İbrahimova bildirib ki, bəzi dəyərlərin əsl qiyməti onların zahiri görünüşündə deyil, daxilində gizlənir. O, həyatın insanı müxtəlif çətinliklərlə sınadığını, yaşanan ağrıların və alınan zərbələrin isə zaman keçdikcə insanın simasında belə özünü göstərə bildiyini qeyd edib.

Müğənni insanın daxilində sevgi, mərhəmət və yaxşılığı qorumasının vacibliyini vurğulayıb:

"Bəzi şeylərin dəyəri xaricində deyil, daxilindədir. Həyat bəzən bizi yaralayır, yorur, silinməyən yara izləri ilə imtahana çəkir. Vurulan zərbələrin izlərini güzgüyə baxdığımızda simamızda belə hiss edə bilirik".

İradə İbrahimova əsl gözəlliyin illərin və zamanın dəyişdirə bilmədiyi daxili xüsusiyyətlər olduğunu deyib.

"İnsan içindəki sevgini, mərhəməti, yaxşılığı qoruyub saxladığı müddətcə çox gözəldir. Zamanın alıb apara bilmədikləridir əsl gözəllik. Gözəllik keçən illər, fəsillər kimi fanidir", - deyə sənətçi əlavə edib.

İradə sonda qəlbi yaxşı, niyyəti təmiz insanların Allah tərəfindən mükafatsız qoyulmayacağına inandığını bildirib.

Müəllif: Tural Hüseyn (Milli.Az redaktor)