Aktrisa Margo Robbi şəxsi həyatında və biznesində mühüm addım atıb.

OLAY yazır ki, həyat yoldaşı ilə birlikdə həyatlarının onuncu ildönümü ərəfəsində “Barbie” filminin ulduzu şəxsi məlumatlarını dəyişdirərək Böyük Britaniyanın rəsmi reyestrlərində qızlıq soyadından tamamilə imtina edib.

Britaniyanın Şirkətlər Reyestrindən əldə edilən sənədlərə əsasən, 36 yaşlı məşhur media üçün diqqət çəkmədən sənədlərini yeniləyib. Bundan sonra bütün yeni qeydiyyat sənədlərində və hüquqi müqavilələrdə aktrisa qanuni həyat yoldaşının soyadı ilə Margo Alis Akkerli adı ilə qeyd olunacaq.

Hüquqi dəyişikliklərə baxmayaraq, kino ulduzu peşəkar fəaliyyətində əvvəlki adını qorumağı planlaşdırır. Gələcəkdə çəkiləcəyi böyük büdcəli filmlərin titrlərində və reklam afişalarında tamaşaçıların və distribyutorların çaşqınlıq yaşamaması üçün o, yenə də Margo Robbi adı ilə təqdim olunacaq.