“MTV Azərbaycan”da üç aydır davam edən “Toylar kralı”nın finalı olub.

OLAY yazır ki, 15 il sonra bu layihəni reallaşdıran prodüser və aparıcı Tarix Əliyev müsabiqəni SMS-siz keçirib.

Qalibləri sənətçilər seçib. Yarışmada Azərbaycanın müxtəlif bölgələrindən musiqiçilər iştirak edib.

Müsabiqədə münsiflər kürsüsündə mərhum Əməkdar artist Cavanşir Məmmədov, Əməkdar artistlər Rəhilə Bəndəliyeva, Sahib İbrahimov, Saqif Məmmədov və müğənni Manaf Ağayev əyləşib.

Layihənin qalibi İlkin və Elnur Talıbovlar seçilib. İkinci yeri Saatlı rayonundan Kənan Heydərov, üçüncü yerin qalibi isə Rahim Baxşiyev olub.

Qeyd edək ki, “Toylar kralı” yarışması ilk dəfə keçmiş ANS TV-də yayımlanmışdı. Layihənin qalibi Manaf Ağayev olmuşdu.