Dilan Polatın həbsindən sonra araşdırılan fenomenlər arasında olan və Amerikada 10 evi olduğu üçün tez-tez adı hallanan Eylül Öztürk aylıq qazancını açıqlayıb.

Milli.Az Türkiyə mətbuatına istinadən xəbər verir ki, Engin və Dilan Polat cütlüyü çirkli pulların yuyulması və vergidən yayınma ittihamları ilə həbs edildikdən sonra, aralarında Eylül Öztürk də daxil olmaqla bir çox nüfuzlu şəxsə qarşı istintaq başladılıb və mal varlıqlarına əl qoyulub.

Uzun müddətdir xaricdə yaşayan və Amerikada 10 evi olan Eylül Öztürk yayımladığı videoda aylıq gəlirinin bəzi dövrlərdə 2 milyon TL-ni keçdiyini bildirib.

Ona qarşı irəli sürülən ittihamlardan sonra "YouTube" kanalında video yayımlayan Eylül Öztürk elektron ticarət şirkətindən qazancını sadalayıb. İzləyicilərindən üzr istəyən və görüntüləri yayımlayan fenomen : "Hekayələrimdən birinin orta gündəlik izlənilmə nisbəti 816 mindir. Gündə ən az 5 fərqli markadan reklam təklifi alıram. Qəbul etmək və ya rədd etmək mənim qərarımdır. Brend işbirliklərində etibarlı insanam. İstifadə etmədiyim bir məhsulu tövsiyə etmirəm. Heç vaxt insanları aldatmamışam. Mən sizin üçün əlimdən gələni etdim. Bu gün bir televiziya kanalından daha çox baxılan birini  görürsünüz" deyib.

Fenomen açıqlamasına "Bu günə qədər heç kimlə paylaşmamışam, amma aylıq qazancımı sizinlə bölüşəcəm. Kaş ki, sizin üçün bir şey edə biləydim. Bunu göstərməliyəm.  Artıq bu sənədləri dövlətə təqdim etmişəm . Ötən il dekabrın 1-dən dekabrın 31-dək 626 min 490 nəfəri elektron ticarət platformasına gətirmişəm, 21 min 925 nəfər isə alış-veriş edib. Həmin ay əməkdaşlıqlardan 216 min lirə qazandım. Linklər verməklə bu platformaya 1 milyon 127 min lirə dövriyyə etdim. Bunun müqabilində ümumilikdə 384 min 815 lirə qazandım" deyə əlavə edib.

Fidan
Milli.Az

Xəbərlərimizi WhatsApp kanalımızdan da oxuyun