Azərbaycanın Misirdəki səfiri Elxan Poluxovun qızı Zəhra Poluxovanın hazırladığı geyimi Türkiyənin məşhur müğənnisi Gülinler Aka geyinib.

Milli.Az "qafqazinfo"ya istinadən xəbər verir ki, bu barədə səfir öz feysbuk səhifəsində paylaşım edib.

O qeyd edib ki, qızı Zəhra bir neçə həftə öncə İstanbulda "International Fashion Academy - Paris" Universitetini bitirərək bakalavr dərəcəsini alıb. Onun dizayn etdiyi geyim seçilərək səhnədə nümayiş etdirilib.

Xatırladaq ki, E. Poluxov 2009-2011-ci illərdə Xarici İşlər Nazirliyi Mətbuat xidmətinin rəhbəri olub. Daha sonra Braziliya, Ekvador, Mozambik və digər ölkələrdə səfir kimi fəaliyyət göstərib.

Milli.Az

Xəbərlərimizi WhatsApp kanalımızdan da oxuyun