Müğənni Nazənin Salayeva mərhum Xalq artisti İlhamə Quliyeva ilə bağlı diqqət çəkən paylaşım edib.

OLAY yazır ki, sənətçi illər əvvəl məclislərin birində İ.Quliyeva ilə görüşərkən lentə alınan fotosunu instaqram səhifəsində yayımlayıb.

Salayeva bu paylaşımı ilə bəzi məşhurlara söz atıb.

“Dəyərli sənətkar İlhamə Quliyeva... Heyif sizdən, çox heyif. Yeriniz necə görünür. Sizin yoxluğunuzdan istifadə edib alaq otları (becərilən bitkilər arasında özbaşına bitən bitki - red.) şou-biznesdə meydan sulayır. Allah sizə rəhmət eləsin”, - deyə Nazənin vurğulayıb. 

Qeyd edək ki, ekspertizanın ilkin nəticələrinə əsasən, Xalq artisti İlhamə Quliyeva trombdan (qan damarının tutulması) 2016-ci ildə dünyasını dəyişib.