Müğənni Xatirə İslam Birləşmiş Ərəb Əmirliklərinin Dubay şəhərində tətilini davam etdirir.

OLAY yazır ki, çimərlikdə istirahətin dadını çıxaran sənətçi qırmızı rəngli yan hissələri açıq, sinə dekolteli libasda obyektiv qarşısına keçib.

Cazibədar pozalarda çəkdirdiyi fotolarını Xatirə instaqram səhifəsində yayımlayıb.

Lakin onun bu şəkilləri xüsusi ilə açıq-saçıq geyimi izləyicilərin qınağına səbəb olub.

Onlardan bir neçəsi X.İslamın həmkarları Sevil və Sevinc Səfərova bacıları haqda söylədiyi “Oğluma onları almazdım, qısa geyinirlər” sözlərini xatırladaraq tənqid ediblər.

Xatirə isə yazılan tənqidə belə cavab verib:

“Sevil-Sevincə də, mənə də olar. Gəlində mütləq bizim kimi olmalıdır? Biz səhnə adamlarıyıq. Sözbaz olmayın”.