“Biz musiqiçilər xalqın zövgünü formalaşdıranlarıq. Çünki onlar televizor qarşısında əyləşib bizə baxırlar. Biz nə təqdim etsək də onlar onu qəbul edirlər”.

OLAY yazır ki, bu sözləri müğənni Nadir Qafarzadə qonaq olduğu “ Gün ortası” verilişində deyib.

Sənətçi bir müddət əvvəl həmkarı Xatirə İslamın söylədiyi “Xalq nə istəyirsə biz də onu veririk” sözlərinə etirazını bildirib:

“Bu yaxınlarda həmkarlarımdan biri (Xatirə İslam – red.) efirdə dedi ki, xalq nə istəyirsə biz də onu veririk. Məndə ona cavab verirəm ki, sən çox nahaq yerə xalqın istəyini onlara verirsən. Sən xalqa yaxşı şeylər ver də… Deyir ki, əgər xalq qeyri-peşəkar mahnıları dinləmək istəyirsə biz onlara onu da verməliyik. Amma mən belə hesab etmirəm. Yox! Xalqın zövgünü körlayanda bizik, formalaşdıran da… Bir dəfə Xalq artisti Akif İslamzadə mənə “Çalışın xalqı arxanızca aparın. Xalqın arxasıyca getməyin. Çünki siz efirdə nə danışsanız və nə ifa etsəniz xalq onu da sizdən götürəcək. Çünki siz xalqın evinə çağırılmamış qonaqsınız. Xoşuna gəlməyəndə o kanalı çevirəcək. Amma sən yaxşı nə bilirsənsə söylə və onu təbliğ et” dedi”.