Bred Pittin zərgərlik dizayneri İnes de Ramon ilə romantikası Bredin Ancelina Colidən boşandıqdan sonra ilk real münasibətidir.

Milli.Az publika.az-a istinadən xəbər verir ki, bu barədə ulduzlara yaxın olan mənbə "People"a məlumat verib.

Cütlük bir ildir ki, birlikdədir. İlk dəfə paparazzilər 2022-ci ilin noyabrında konsertlərin birindən Pittlə Ramonun birlikdə fotolarını çəkiblər. Və bu əlaqələr hər gün daha da möhkəmlənir.

Doğrudur, ulduzlar nadir hallarda ictimaiyyət arasında birlikdə görünürlər.

Pittin dekabrın 18-də 60 yaşı tamam olub, Ramonun isə 19-da 34 yaşını qeyd edib.

Yeri gəlmişkən, sevgililər arasında yaş fərqi tamamilə görünməzdir. Pitt həmişə əsl yaraşıqlı kişiyə bənzəyir və Ramonun yanında o, ikiqat gənc görünür. Və bu, sevgililərin Los-Anceles restoranında baş tutan ad günü ziyafətdən əvvəl lentə alınan fotoşəkillərdə aydın görünür.

Pitt şənlik üçün boş qara şalvar və eklektik qızılı çaplı qara köynək seçib. Ramon isə krem ​​rəngli mini libasda, ona uyğun yüngül şərflə möhtəşəm fiqurunu nümayiş etdirib. Amma əsas olan sevgililərin geyimləri deyil, onların parlaq simaları olub.

Milli.Az
Xəbərlərimizi WhatsApp kanalımızdan da oxuyun