Xəbər verdiyimiz kimi, Avropanın nüfuzlu "Avroviziya-2024" beynəlxalq mahnı müsabiqəsi İsveçin Malmö şəhərində keçiriləcək.  

Milli.Az bizim.media-ya istinadən xəbər verir ki, "SVT" yayım şirkəti artıq yarışma üçün səhnə qrafikası və işıqlandırma dizaynının fotolarını yayımlayıb.  

Daşınan LED kublar, LED döşəmələr, yüksək təsirli işıqlandırma, video və səhnə texnologiyası birləşərək yarış arenasının özündə möhtəşəm variasiyalar yaradacaq.  

Səhnə xaç şəklində məkanın düz ortasında yerləşəcək. Bu isə unikal dizayndan xəbər verir.  

Səhnənin rəng sxemi zalın işıqlandırması kimi mavidir, lakin səhnədəki dizayn artıq parlaq çəhrayı işıqlandırmadan hazırlanıb.  

Qeyd edək ki, daha əvvəl təşkilatçılar Malmödə keçiriləcək "Avroviziya -2024"ün simvollarını da nümayiş etdiriblər. Loqo və ekranın yaradılması üçün dizaynerlər şimal işıqlarını və səs ekvalayzerlərinin ritmlərini birləşdiriblər. 
2024-cü ildə İsveçdə keçirilən müsabiqənin yarımfinalları mayın 7-də və 9-da, finalı isə mayın 11-də keçiriləcək. 

Milli.Az

Xəbərlərimizi WhatsApp kanalımızdan da oxuyun