2023-cü ilin son günü kino sənayesində daha bir ölüm xəbəri ilə yadda qaldı.

Milli.Az oxu.az-a istinadən xəbər verir ki, "The Sopranos", "Mean Streets" və "Heavy Metal" filmlərindəki rolları ilə tanınan aktyor Riçard Romanus 80 yaşında vəfat edib.

Bu barədə mərhumun oğlu Robert məlumat yayıb.

Romanus dekabrın 23-də öldü, lakin media onun ölümündən bir həftə sonra xəbər tutub.

Onun Yunanıstanın Volos şəhərindəki özəl xəstəxanalardan birində dünyasını dəyişdiyi məlum olub.

Aktyor brutal kişi rolları ilə tanınır. Meqa-populyar "The Sopranos" serialında Romanus doktor Cennifer Melfinin əri Riçard La Penna rolunu oynayıb. O, 1999-cu ildən 2002-ci ilə qədər dörd epizodda rol alıb.

Onun digər diqqətəlayiq rollarına 1973-cü ildə Martin Skorsezenin "Mean streets" filmindəki Maykl Lonqo və 1981-ci ildə "Heavy Metal" filmindəki taksi sürücüsü Harri Kanyon rolu daxildir. 1981-82 televiziya mövsümündə o, ABC-nin "Strike Force" kriminal serialında detektiv leytenant Çarli Qanzerin təkrarlanan roluna çəkilib.

Milli.Az
Xəbərlərimizi WhatsApp kanalımızdan da oxuyun