Əməkdar artist Dilarə Əliyeva hazırladığı layihə ilə diqqət çəkib.

OLAY yazır ki, sənətçi Prezident seçkiləri ilə bağlı video-layihə hazırlayıb.  Aktrisa bildirib ki, səsimizi bizə qələbə sevincini yaşadan İlham Əliyevə verməliyik:

“Tarix durduqca yaşayan sərkərdə, bizə qələbə hissini daddıran adam, dünyada başıdik gəzməyimizə səbəb olan insan, Azərbaycan deyəndə siz, siz deyəndə Azərbaycan yada düşür. Azərbaycanın gələcəyi sizə bağlıdır. Bütün dünyaya “Qarabağ Azərbaycandır!” dedizdirən, böyük Komandan! Biz hamılıqla səsimizə səs verən, cənab İlham Əliyevə səs verəcəyik. Verməliyik də! Axı o, bizim səsimizi bütün dünyaya çatdırıb. Dünyada səsimizin gur çıxmağına nail olub. 44 günlük müharibə ilə dünyaya səs salıb, mənfur düşmənin səsini batırıb, axı biz qalib ölkə kimi titrək səslə bir-birimizi təbrik etdik, atalarımızın fəxarətli səslə “Mənim oğlum qalib əsgərdir!”, analarımızın qürur səsi ilə “Südüm sənə halal olsun, oğul!” sözlərinin memarıdır. 8 Noyabrda “Şuşa, sən azadsan!” deyə gur səslə qışqırmağımız heç vaxt yadımızdan çıxmamalıdır. 21-ci əsrin sərkərdəsi, qalibi, namizədlərin vahidi, bütöv Azərbaycan adlı məmləkətin ilk şahidi, Tanrının bizə göndərdiyi qələbə müjdəli qasidi, bizi qələbədən qələbəyə daşıyan Dünya prezidentlərinin içində ən layiqi, ömrünü, keçmişini, gələcəyini bizə qurban verən vətən mücahidi, səsimizin tək sahibi, səsimiz sizindir, Alicənab, Cənab Prezident! Vətənimizin üzərindən qara buludları qovan, günəşli gələcəyi vəd edən, Ulu Öndərimizin vəsiyyətini yerinə yetirən “Dəmir yumruğ”un sahibi, Liderimiz şəksiz, dünyada bir təksiz. Həm də tək deyilsiniz, biz varıq, həmişə yanınızda, əmrinizdəyik. Bərpa olundu sərhədlərimiz başdan-başa, ömürlük Cənab Prezidentimiz, çox yaşa!”.