Rəqqasə Fatimə Fətəliyeva ilə şair Nazilə Səfərli arasındakı məhkəmə prosesi bitmək bilmir. 

Milli.Az axşam.az-a istinadən xəbər verir ki, Fatimə Ali Məhkəməyə müraciət edib. Bununla bağlı Axşam.az-ın suallarını cavablandıran sənətçi bunları söyləyib:

"Bu haqda danışmayacağam, geci, tezi məsələ aydınlaşacaq. Yenə də deyirəm ki, Fatimə Allahın, valideynin, səhv olanda insanların da qarşısında üzr istəyir. Amma səhv olmayan yerdə heç vaxt üzr istəməyəcəyəm".

Qeyd edək ki, Nazilə məhkəmədə Fatimədən 50 min təzminat istəyib. Nazilə məhkəmədə qalib gəlib, Fatimə isə apellyasiyaya müraciət edib. O, bir müddət əvvəl apellyasiya məhkəməsini də uduzub. Qərara əsasən Fatimə 50 min yox, 500 manat təzminat ödəməlidir. 

Xatırladaq ki, rəqqasə ilə şairə arasındakı qalmaqala Nazilənin sosial şəbəkədə yazdığı "Bir rəqqasə reklam etdiyim məkanların birinə zəng edib qışqıraraq deyib ki, bizi dəvət etmirsiniz, kobud şairəni reklama dəvət edirsiniz. Əzizim, vaxtında bizim başımızda böyüyümüz olub. Stolların üstündə göbək rəqsi etməyə icazə verməyiblər deyə, incə qala bilməmişik, kobud qalmışıq. Demək istərdim ki, ağır ol, amma ağır olsan dingildədiyin masalar qırılar. Bağışla" sözlər səbəb olub. Ondan sonra Fatimə bu sözlərin ona aid olduğunu söyləyib.

Milli.Az

Xəbərlərimizi WhatsApp kanalımızdan da oxuyun