Azərbaycan Moda Həftəsinin ilk mövsümü 2015-ci ilin may ayında baş tutub və onunla ölkədə Moda Həftələrinin başlanğıcı oldu. Bu genişmiqyaslı layihənin yaradılmasının əsas səbəbi Azərbaycanda moda bazarının yaradılması ideyası olub. Azərbaycan Moda Həftəsi (AFW) məhz moda sahəsində çalışanların dizaynerləri, alıcıları, yerli və xarici mətbuat nümayəndələrini, eləcə də paytaxtın bütün dəb adamlarını hamısının əməkdaşlıq üçün bir araya gətirən platformaya çevrildi. Mövcud olduğu illər ərzində Azərbaycan Moda Həftəsi Azərbaycanda ən mühüm moda hadisəsi statusunu qoruyub saxlamışdır.
Hər mövsüm Azərbaycan Moda Həftəsi və Qazaxıstan Moda Həftəsinin baş prodüseri Sayat Dossıbaev müxtəlif brendlərlə əməkdaşlıq təşkil edir. Milli Moda Həftəsinin təşkilatçıları (AFW) həm də ənənəvi olaraq Bakıda keçirilən bu tədbirə qatılan çoxsaylı qonaqlar tərəfindən ölkəmizin milli dəyərlərinə marağı artırmağa çalışırlar.
Layihə mövqeləşdirmə məsələlərinə və milli brendlərin təşviqi və təbliği məsələlərinə yönəlib mövcud problemlərin həlli üçün alətlərin təkmilləşdirilməsi, o cümlədən dəb, dizayn və ümumilikdə mədəniyyət sahəsində inkişafına birgə əməkdaşlığa xarici həmkarları cəlb edir.
Azərbaycan Moda Həftəsi milli brendlərin modelyerləri, alıcıları, yerli və xarici KİV nümayəndələrini, eləcə də bu sahənin bütün peşəkarlarını əməkdaşlıq üçün bir araya gətirən platformadır.
Bu il Azərbaycan Mədəniyyət Nazirliyinin dəstəyi ilə Azərbaycan Moda Həftəsi Bakıda keçirilən "Yaradıcı Həftə" çərçivəsində noyabrın 29-dan dekabrın 3-dək layihınin iştirakçısı kimi ilk dəfə fəaliyyətə başlayır.
Moda dünyasında baş verən sürətli dəyişiklikləri nəzərə alaraq, Yaradıcı Həftə çərçivəsində, Azərbaycan Mədəniyyət Nazirliyinin dəstəyi ilə, Azərbaycan Moda Həftəsi çərçivəsində ali təhsil müəsisələrində təhsil alan, həmçinin ölkədə fəaliyyət göstərən moda məktəblərinin gənc modelyer-dizaynerləri üçün "Azərbaycanın Moda Yüksəlişi" Müsabiqəsinin (Azərbaycan Fashion Forward) təqdimatı və tanınmış modelyer-dizayner Orxan Sultanın ustad dərsi keçiriləcək. Tədbir dekabrın 2-də saat 12:00-da "Yaradıcı qovşaq" (Kreativ Hab) tədris və inkubasiya mərkəzində baş tutacaq.
Azərbaycan Moda Həftəsi dekabrın 3-də The Ritz-Carlton otelində moda nümayişi ilə yekunlaşacaq. Tamaşa saat 19:00-da Şuşa zalında başlayacaq. Bu il iştirakçılar və dəvət olunan qonaqlar Gürcüstan, Türkmənistan, Qazaxıstan, Qırğızıstan, Rusiya, Qırğızıstandan və digər qonşu ölkələrdən gələn dizaynerlər və dəb sahəsində fəaliyyət göstərən simalar olacaq.
Azərbaycanın ən mühüm moda və mədəniyyət tədbirlərindən biri olan Moda Həftəsi istedadlı dizaynerləri bir araya gətirəcək və Azərbaycanda bu sənayenin daha da inkişafına töhfə verəcək.
Milli.Az
