"Maska" şou bitsə də, "söz-söhbəti" hələ bitməyib.

Milli.Az olay-a istinadla xəbər verir ki, "Sabaha Saxlamayaq" verilişinin "Maska" şouya həsr edilən buraxılışında ilk təklif edilən detektivin kim olduğu açıqlanıb.

"Maska" şounun kreativ prodüseri Tural Sevdimalı ilk dəfə Əməkdar artist Coşqun Rəhimova təklif edildiyini deyib: 

"İlk dəvət Coşqun bəyə olub. Bu təklifin detektiv, yaxud iştirakçı olacağını özümüz də bilmirdik. Yanımızda həm iştirakçı, həm də detektiv müqavilələrini gəzdirirdik.

Birinci iştirakçı kimi dedik, amma hiss elədik ki, Coşqun bəyin ürəyindən bir az da oturub yuxarıdan maskaların kim olduğunu tapmaq keçir. Detektiv olmaq həm də bütün bu icmanı tanımağı tələb edir. Gördük ki, bu adamda bu var, bu istək var.

Detektiv kimi təklif edəndə Coşqun bəy dedi ki, mən, bəlkə, ona razı olaram. Bunu demişdi ki, müqavilə gəldi, Coşqun bəylə birinci detektiv kimi müqavilə imzalandı".

Milli.Az

Xəbərlərimizi WhatsApp kanalımızdan da oxuyun