Türkiyəli aktrisa Yasemin Ergene uzun fasilədən sonra yenidən ekranlara qayıtmağa hazırlaşır.

Milli.Az xəbər verir ki, aktrisa yeni televiziya mövsümündə yayımlanması planlaşdırılan "Tuzlu Kahve" serialında rol alacaq. Ergenenin layihədə "Elit" obrazını canlandıracağı bildirilir.

Məlumata görə, aktrisa hər bölüm üçün 2 milyon Türkiyə lirəsi qonorar alacaq. Serialın ayda dörd bölüm yayımlanması halında onun aylıq qazancının 8 milyon lirəyə çatacağı gözlənilir.

Yasemin Ergene 2009-cu ildə İzzet Özilhanla münasibət qurduqdan sonra aktyorluq fəaliyyətinə fasilə verib. 2011-ci ildə evləndikdən sonra isə karyerasını davam etdirməyi düşünmədiyini açıqlayıb.

Aktrisanın 2025-ci ilin sentyabrında 14 illik evliliyini başa çatdırmasından sonra yenidən aktyorluq təkliflərini nəzərdən keçirməyə başladığı qeyd olunur. Bir neçə ssenarini dəyərləndirən Ergene "Tuzlu Kahve"də rol almağa qərar verib.

Qeyd edək ki, aktrisa bir zamanların reytinqli serialı "Doktorlar"ın Ela obrazı ilə yaddaşlarda qalıb.

Milli.Az