Adətən kişilər cinsi əlaqə zamanı qadınlardan daha çox kalori yandırırlar.

OLAY yazır ki, araşdırmalara görə, bu, orta hesabla kişilər üçün 101 kalori, qadınlar üçün isə 69 kalori təşkil edir. Bununla belə, vəziyyəti öz xeyrinizə dəyişmək mümkündür — sadəcə olaraq, daha çox təşəbbüs göstərmək kifayətdir.

Stanford Universitetinin professoru Lia Melheyzer “Everyday Health”ə verdiyi müsahibədə bunu belə izah edib:

“Bu, gözləniləndir, çünki cinsi əlaqə zamanı fəal rol oynayanlar daha çox kalori yandırır”.

Ekspertlər, eyni zamanda, cinsi əlaqənin müddətinin həlledici əhəmiyyət kəsb edə biləcəyini vurğulayırlar. Seksoloq Emili Mors The Post-a verdiyi müsahibədə deyib:

“Əlbəttə, beş dəqiqəlik tələsik seks ilə saatlarla davam edən enerjili, idman yönümlü seks arasında fərq var”.

Bununla belə, cinsi əlaqəni tam bir məşqə bərabər tutmaq mümkün deyil, nə qədər çalışsanız da — enerji sərfiyyatı ən yaxşı halda orta tempdə gəzməyə bərabər olacaq.

Həmçinin, seks eksperti Ceymi Bellanın ehtiraslı “məşqləri” daha effektiv etmək üçün bir tövsiyəsi var. Mütəxəssis deyib: 

“Əgər məqsədiniz dözümünüzü artırmaqdırsa, yeni pozalar sınayaraq müxtəliflik gətirin”.