Xalq artisti Aygün Kazımovanın "Parol" mahnısı "Apple Music Azerbaijan" və "Yandex Music"də birinci olub.   

Milli.Az bizim.media-ya istinadən bildirir ki, bir neçə ay əvvəl işıq üzü görən musiqisi Kazımcan, sözləri isə Orxan Qarabasmaya məxsus olan sözügedən nəğmə "YouTube" video platformasında 5 milyondan çox izlənilib.   

Son günlər hit olan "Parol" bütün musiqi platformalarını eyni zamanda "TikTok" video axınını da zəbt edib.  
Bundan başqa Kazımovanın repertuarında yer alan "Qorxuram" və "Vəfasızlar" mahnısı "Apple Music Azerbaijan"da ilk 10-luğa düşüb. "Yenə tək", "Ağlasın" və meyxanaçı Namiq Qaraçuxurlu  ilə oxuduğu "Bağlanıram" dueti də ən çox dinlənənlər sırasına daxil olub.  

Aygünün 7 il əvvəl həmkarı Samir Piriyevlə səsləndirdiyi "Ağlasın" dueti də bu günlərdə "TikTok"da ən çox video çəkilən musiqi olub.   

Milli.Az

Xəbərlərimizi WhatsApp kanalımızdan da oxuyun