"Pünhan mənə qarşı həddini aşmışdı, cavabını da aldı. Dəfələrlə hörmətsizlik edib, dözmüşəm, səbr etmişəm. Açığı, onun əlindən yığmışdım, nə vaxtsa dərsini verməli idim".
Milli.az xəbər verir ki, bunu Qaynarinfo-ya açıqlamasında aşıq Mübariz Pünhan Piriyevlə arasında olan qalmaqala aydınlıq gətirərkən deyib.
"Sən kimin üçünsə saz çalan ola bilərsən, amma..."
Aşıq Mübariz bildirib ki, Pünhan Piriyevə dəfələrlə zəng etsə də, müğənni onun telefonunu açmayıb:
"Mənə qarşı hörmətsizlik edirdi. Kamera qarşısında adamı söyüb, sonra qaçıb gizlənmək hünər deyil. Pünhan İllərdir belə davranış sərgiləyir. Nəhayət ki, səbr kasam doldu, verilişdə birdən-birə açıldım, ürək sözlərimi dedim".
Aşıq Mübariz qeyd edib ki, bir qrup yeniyetmə də Pünhan Piriyevə qoşulub:
"Onu görüb haqqımda uşaq-uşaq da fikirlər sayaqlayırdı. Bunun axırı pis qurtaracaqdı. Manaf Ağayev dünən bizi çağırdı və barışdırdı. Mən orada da Pünhana dedim ki, sən sənətə dünən gəlmisən, mən isə 30 ildir sənətdəyəm, toylara gedirəm, hörmətin olsun, qanacağın olsun, sən kimsən ki, mənim yanımda at oynadırsan? Dedim ki, belə hərəkət etmə. Nəinki mən, başqa sənət adamları da var, hamısı səndən yanıqlıdırlar. Səni görməyə gözləri yoxdur, yığışdır bu davranışı. Adam sənətə belə gələr? Sənətə də kişi kimi və mərdliklə gələrlər. Pünhanın sənəti var, amma bir qəpiklik adam deyil. 3 gündür ki, rahatlığım yoxdur, hamı zəng edir ki, bu nə məsələdir".
Aşıq Mübariz müğənni Manaf Ağayevin hadisəyə qarşıması məsələsini belə izah edib:
"Manafla 20 ildir dostam. Zəng etdi ki, Mübariz dur gəl filan ünvana. Mən də getdim, içəri girəndə baxdım ki, Pünhan da ordadır, dala qayıtmağa yeri yox idi. Manaf and verdi ki, uşaqdır, bir səhv edib, bizi barışdırdı. Manaf Ağayev qeyrətli oğlandır, ürəyi təmiz insandır. Allah onu qorusun. Onu da gözü götürməyənlər çoxdur. Elə məni də gözü götürməyənlər az deyil".
Qeyd edək ki, aşıq Mübarizlə müğənni Pünhan Piriyev arasında qalmaqal yaranıb. Pünhan Piriyev sosial səhifə hesabında Aşıq Mübarizi təhqir edib, qarşı tərəf də ona sərt cavab verib.
Milli.Az
Xəbərlərimizi WhatsApp kanalımızdan da oxuyun
