Müğənni Şəbnəm Qəhrəmanova açıqlaması ilə diqqət çəkib.

Milli.Az-ın məlumatına görə, sənətçi MTV-də yayımlanan verilişlərdən birində məclislərdən əldə etdiyi qazanc və pul yığmaq vərdişindən danışıb.

Şəbnəm efirdə qazancı barədə konkret məbləğ açıqlamağı sevmədiyini bildirib:

"Efirə çıxıb məclislərə hansı məbləğə getdiyimi, nə qədər qazancım olduğunu deməyi sevməmişəm. Az-çox pul yığıb özümə nəsə alıram, yaxud ev alaram. Hamı əziyyətlə qazanır".

Müğənni qənaətcil olduğunu da vurğulayıb:

"Mən qəpik-qəpik yığan adamam. Zeynəb Həsəni sağ olsun, o pullarımı yığır".

Şəbnəm Qəhrəmanovanın həmkarı Zeynəb Həsəninin onun qazancını toplamasına kömək etdiyini deməsi sosial şəbəkələrdə də maraq doğurub. Sənətçinin bu sözləri həmkarlar arasındakı etibar məsələsini gündəmə gətirib və müxtəlif reaksiyalara səbəb olub.

Müəllif: Tural Hüseyn (Milli.Az redaktor)