Yeşilçamın ən məşhur filmlərindən olan "Şabanoğlu Şaban" uzun illər sonra yenidən tamaşaçı qarşısına çıxmağa hazırlaşır.

Milli.Az xəbər verir ki, filmin davamında mərhum aktyor Kemal Sunalın yaratdığı unudulmaz "Şaban" obrazını onun oğlu Ali Sunal canlandıracaq.

Məlumata görə, ekran əsərinin çəkilişlərinə sentyabrın sonunda başlanılması planlaşdırılır.

Qeyd edək ki, Kemal Sunalın 1977-ci ildə canlandırdığı "Şaban" obrazı türk kinosunun ən yadda qalan personajlarından biridir. Rejissor Ertem Eğilmezin "Şabanoğlu Şaban" filmində Kemal Sunalla yanaşı, Şener Şen və Halit Akçatepe kimi tanınmış aktyorlar da rol alıb.

Müəllif: Malik Məlikov (Milli.Az redaktor)